Posted on

Jum il-Familja

[nggallery id=32]

Fil-15 ta’ Ġunju 2012 organizzajna jum iddedikat għal familja.  Għaldaqstant il-ġenituri tal-iskola tagħna kienu mistednin.  Organizzajna ħafna attivitajiet differenti fosthom logħob bl-ilma, tlielaq, lezzjonijiet tal-mużika u l-arti kif ukoll sezzjoni taż-żumba.  Kellna ukoll membri mill-korp tal-pulizija li kellmu lill-istudenti fuq ir-regoli tat-traffiku.  Barra minn hekk kellna x-xorti li naraw xow mis-sezzjoni tal-klieb tal-pulizija kif ukoll taż-żwiemel. Lejn l-aħħar tal-ġurnata kellna l-ftajjar u panini li għalqu l-ġurnata b’tomgħa tajba.

 Il-ġurnata kienet suċċess u lħaqna għamilna dak kollu li kien ippjanat.  Dan kien possibli għax kulħadd ta daqqa t’id.  Fost dawn kien hemm l-istaff kollu tal-iskola kif ukoll tal-għalliema peripatetiċi: tal-PE Ms. Claudette Zahra u Mr. Jesmond, tal-Arti Mr. Joe Camilleri, tal-Mużika Mr. John Zammit u ta’ Drew (għalliem tas-sekondarja) li għamlilna s-sezzjoni ta’ Zumba. Barra minnhekk nixtieq insemmi wkoll lil Mariella Cassar li tagħmel parti mill-parent’s council u xi ġenituri oħra li tawna daqqa t’id.

Kellna ukoll żjara mill-istudenti ta’ l-iskola ta’ Ħal Safi, tal-Gudja u tal-Imqabba li ġew biex jaraw il-Ġardina tagħna, kif ukoll baqgħu għall-esibizzjoni tal-Klieb u ż-żwiemel tal-Korp tal-Pulizija.

M’għandniex xi ngħidu l-istudenti ħadu ħafna pjaċir f’din il-ġurnata filwaqt li tgħallmu ukoll.